У пракуратуры Віцебскай вобласці адбылося ўрачыстае мерапрыемства, прысвечанае Дню маці і Дню бацькі

У ім прынялі ўдзел дзеці супрацоўнікаў пракуратуры.

- Дзеці ў творчай форме выказалі дарагім бацькам словы ўдзячнасці і любові: спявалі, танцавалі, чыталі вершы, - распавяла “СТСТ”  старшы пракурор аддзела пракуратуры вобласці Дыяна Жвікава. - Намеснік пракурора вобласці Уладзімір Гук падкрэсліў важнае значэнне гэтых святаў ва ўмацаванні сямейных асноў, традыцый і пажадаў усім маці і бацькам - сапраўдным і будучым - моцнага здароўя, дабрабыту, дабра і душэўнага спакою.

Прысутных павіншавала старшыня першаснай арганізацыі органаў пракуратуры Віцебскай вобласці грамадскага аб'яднання ГА “Беларускі саюз жанчын” Таццяна Лісоўская. Яна ўручыла падарункі шматдзетным бацькам з ліку работнікаў пракуратуры.

Таксама ў ходзе ўрачыстага мерапрыемства былі падведзены вынікі конкурсу дзіцячых малюнкаў “Бацькоўскай любоўю мы сагрэтыя”, які прайшоў сярод дзяцей пракурорскіх работнікаў і работнікаў пракуратуры. Усе ўдзельнікі атрымалі заслужаныя ўзнагароды-дыпломы і салодкія падарункі. Яшчэ адной адметнасцю мерапрыемства стаў святочны канцэрт.

Фота прадастаўлена пракуратурай Віцебскай вобласці.