Версия для печати
Размер шрифта:
Фото
Печатать

У Полацкім раёне сутыкнуліся мікрааўтобус і дзве легкавушкі

12.02.2025

Аварыя адбылася сёння раніцай на 3-м кіламетры аўтадарогі «Пад'езд да г.Наваполацка №2 ад аўтадарогі Р-45», паведамляе тэлеграм-канал ДАІ Віцебшчыны.


Паводле папярэдняй інфармацыі, 28-гадовы кіроўца аўтамабіля Mercedes не справіўся з кіраваннем, выехаў на паласу сустрэчнага руху, дзе здзейсніў сутыкненне з аўтамабілямі Peugeot і Volkswagen. Ад удару Peugeot выкінула ў правы па ходзе руху кювет.


У выніку ДТЗ кіроўца Volkswagen 1961 года нараджэння атрымаў цялесныя пашкоджанні і быў шпіталізаваны. Кіроўцы двух іншых аўтамабіляў пасля агляду медыцынскімі работнікамі былі адпушчаныя па месцы жыхарства.


Па факце ДТЗ праводзіцца праверка.

© ТАЛАЧЫНСКІ РАЁННЫ
ВЫКАНАЎЧЫ КАМІТЭТ, 2025.