ВЫКАНАЎЧЫ КАМІТЭТ
У Беларусі штогод вырабляецца каля 250 т лекавага рамонку. Пра гэта паведамляе БелТА са спасылкай на прэс-службу Міністэрства сельскай гаспадаркі і харчавання.
У гаспадарках Беларусі, якія спецыялізуюцца на прамысловым вырошчванні лекавых траў, працягваецца ўборачная кампанія. Першым з палёў убіраюць рамонак.
«Лекавая расліна — культура капрызная, патрабуе строгага захавання тэхналогіі вырошчвання. Аптымальныя тэрміны ўборкі таксама нельга прапусціць. Калі скасіць раней, кветкі не паспеюць набраць карысных уласцівасцей, спазніцца з выхадам на поле — рамонак проста асыплецца», — расказалі ў Мінсельгасхарчы.
ТАА «Каліна» ў Аршанскім раёне і КСУП «Саўгас «Вялікае Мажэйкава» ў Шчучынскім раёне — асноўныя гаспадаркі Беларусі, якія спецыялізуюцца на вырошчванні лекавых траў у прамысловых маштабах. Кожны год у нашай краіне вырабляецца амаль 250 т рамонку лекавага. Напрыклад, у «Саўгасе «Вялікае Мажэйкава» пад гэту культуру адведзена амаль 250 га.